Besueshmëria në shërbimet shëndetësore të Shërbimit Spitalor dhe Klinik Universitar të Kosovës, po shënon rritje.
Si rezultat i shtimit të besueshmërisë në shërbimet që ofrohen nga institucionet shëndetësore në varësi të ShSKUK-së, ShSKUK dhe Policia e Kosovës, sot kanë nënshkruar një Marrëveshje Mirëkuptimi për ekzaminimin mjekësor dhe psikologjik të rekrutëve dhe personelit policor në kuadër të klinikave të QKUK-së dhe spitaleve të përgjithshme.
Nënshkrimin e kësaj Marrëveshjeje e bënë, ud. Drejtori i Përgjithshëm i ShSKUK-së, Valbon Krasniqi dhe drejtori i Policisë së Kosovës, Rashit Qalaj.
