Me qëllim të njohjes nga afër me punën që po bëhet në reparte të ndryshme nga profesionistët shëndetësorë, drejtori i përgjithshëm i Shërbimit Spitalor dhe Klinik Universitar të Kosovës, Elvir Azizi, ka vizituar këtë të mërkurë, Spitalin e Përgjithshëm të Mitrovicës dhe atë të Vushtrrisë.
Në takim me menaxhmentin e dy spitaleve është diskutuar për punën që po bëhet, sfidat, por edhe kërkesat që kanë dy spitalet, e për të cilat nevojitet mbështetja e ShSKUK, me qëllim të avancimit të mëtejmë të shërbimeve shëndetësore.
