Në Klinikën e Gastroenterologjisë me Hepatologji të Qendrës Klinike Universitare të Kosovës ka filluar punën Shërbimi Gjysmëintensiv, si njësi e veçantë, me të gjitha pajisjet mjekësore adekuate, në të cilin vazhdon trajtimi i pacientëve me urgjencat gastroenterologjike.
Diagnostikimi dhe trajtimi i këtyre rasteve është është shumë më i shpejtë dhe më efikas, për shkak se Klinika e Gastroenterologjisë është pajisur me aparaturën adekuate, që mundëson një përcjellje më intenzive të gjendjes së këtyre pacientëve.
Numri i urgjencave gastrointestinale është shtuar shumë, sidomos pas Pandemisë COVID- 19 dhe vetëm në 6 muajt e fundit në këtë klinikë janë trajtuar 250 pacientë me gjakderdhje gastrointestinale, të cilëve iu është kryer hemostaza endoskopike.
