Në vazhdën e takimeve të Zv. e Drejtorit të Përgjithshëm të Shërbimit Spitalor Klinik dhe Universitar të Kosovës, dr. Narqize Arënliu-Hoxhaj, me drejtor dhe stafin e klinikave të QKUK-së, sot vizitoi Klinikën e Neonatologjisë në Qendrën Klinike Universitare të Kosovës, ku u prit nga drejtoresha e kësaj klinike, dr. Hajrije Ismaili si dhe stafi shëndetësor.
Qëllimi i kësaj vizite ishte të informohet rreth punës, sfidave dhe nevojave të kësaj klinike, si dhe për të vlerësuar cilësinë e shërbimeve të ofruara nga kjo klinikë.
Gjatë takimit me stafin e Klinikës së Neonatologjisë, dr. Narqize Arënliu- Hoxhaj, zv. e Drejtorit të Përgjithshëm të ShSKUK-së, diskutuan për përmirësimin e shërbimeve të ofruara nga kjo klinikë.
