Ish-Presidentja e Republikës së Kosovës, Atifete Jahjaga me bashkëpunëtore, ka vizituar të mërkurën Klinikën e Onkologjisë të Qendrës Klinike Universitare të Kosovës.
Gjatë takimi me u.d. drejtoreshën e përgjithshme të ShSKUK-së, Pranvera Zejnullahu- Raçi, menaxhmentin e klinikës dhe stafin, ajo prezantoi disa nga projektet që po zhvillon Fondacioni “Jahjaga”.
Në takim u bisedua në lidhje me mundësinë që përmes donatorëve të ndryshëm të përkrahen projektet që kanë të bëjnë me zhvillimin dhe avancimin e shërbimeve onkologjike.
Znj. Jahjaga pas takimit ka vizituar disa nga shërbimet e Klinikës së Onkologjisë dhe pacientët që po marrin shërbime shëndetësore.
Në shoqëri të vizitës së Presidentes Jahjaga ishte edhe Znj. Nafije Latifi nga organizata joqeveritare “Jeta Vita”, e cila në vazhdimësi ka përkrahur fushatat që kanë për qëllim ngritjen e cilësisë së shërbimeve dhe avancim e tyre.
