Klinika e Onkologjisë Mjekësore

Historiku i Onkologjisë në Kosovë:

Onkologjia si shërbim mjekësor në Kosovë ka filluar shumë më përpara, por për një periudhë të gjatë kohore nuk ekzistonte si klinikë e dedikuar. Këto shërbime janë kryer në mënyrë të shpërndarë dhe pa një sistem unik të shërbimeve, duke krijuar një situatë të vështirë për pacientët dhe stafin mjekësor.

Një nga arritjet më të mëdha në fushën e onkologjisë në Kosovë ishte fillimi i mjekimit me radioterapi në vitin 2010. Radioterapeuti i parë në Kosovë është Doc.Dr. Xhavit Bicaj që së bashku me doktoreshat Dr Sonja Blakaj dhe Prof. Dr Emine Disha themeluan shërbimin e radioterapisë. Ndërkohë shërbimi i onkologjisë me aplikimin e kimioterapisë ka filluar me punën e Dr. Mejreme Maloku - pulmologe, Ibrahim Sejdiu – mjek internist, Behxhet Osmani – pulmolog. 

Më pas në klinikë janë punësuar mjekët onkologë pasi kanë përfunduar specializimin e mirëfilltë jo vetëm në Prishtinë por dhe në vendet e rajonit, disa prej tyre që u punësuan në fillim janë Dr. Ardian Millaku, Dr. Dafina Ademi Islami, Dr Ekrem Hyseni, Dr. Ilir Kurtishi, Dr. Vildana Goga Çmega etj. Burimet njerëzore janë shtuar dhe në vitin 2017 ku u punësuan dhe 6 mjekë specialistë, 4 në shërbimin e radioterapisë dhe 2 në shërbimin kimioterapisë. Aktualisht në klinikë janë punësuar 19 mjek onkologë, 20 infermierë, 13 teknikë të radioterapisë,6 fizikantë mjekësore, 2 fizioterapeute dhe një psikologe klinike.

Në vitin 2018 klinika u zgjerua duke ofruar shërbimin spitalor 24 orë me shtretër i cili vazhdon të funksionojë dhe sot. Kapacitet e Klinikës së Onkologjisë janë rritur nga vitit në vit.

 Prej fundit te vitit 2020 kemi funksionalizimin e shërbimit të brakiterapisë, ku gratë e prekura me kancer të organeve gjinekologjike nuk kanë nevojë të trajtohen jashtë vendit por tashmë është mundësuar në klinikë. Trajnimi i stafit është realizuar me ardhjen e ekspertëve të rajonit në klinikën tonë. Shërbimit të radioterapisë në korrik të vitit 2021 iu shtua akseleratori i parë që mundësoi trajtimin e pacienteve me teknika bashkëkohore si IMRT dhe VMAT për herë të parë. Një arritje e madhe e realizuar nga menaxhmenti, mjekët onkologë dhe fizikantët mjekësore të Klinikës së Onkologjisë ishte ardhja e aparatit të dytë me specifika dhe më të avancuara se aparati i parë. Ky zhvillim jo vetëm që do të përmirësojë cilësinë e trajtimit për pacientët me kancer, por gjithashtu rrit kapacitetet e Klinikës për të ofruar trajtime më të avancuara dhe efektive.

Prej vitit 2023 ka filluar një decentralizim i lehtë për sa i takon  shpërndarjes së terapisë tabletare në rajonin e Prizrenit.

Në fillim të vitit 2024 klinika i është nënshtruar një renovimi tërësor duke rritur hapësirat për trajtim ambulator me terapi sistemike të pacienteve dhe në maj klinika hapi dyert për t’ju ofruar pacientëve shërbime në kushte të përmirësuara.

Duke qenë institucion universitar, Klinika e Onkologjisë përveç shërbimit shëndetësorë, veprimtarinë e saj e zhvillon edhe në dy drejtime tjera: arsimore dhe kërkimore-shkencore. Në këtë Klinikë zhvillohet mësimi teorik dhe praktik për studentët e Fakultetit të Mjekësisë, degës së Mjekësisë, degës së Stomatologjisë dhe degës së Infermierisë. Mësimi zhvillohet nga stafi akademik i punësuar në Fakultetin e Mjekësisë, në Katedrën e Radiologjisë. Klinika shërben si  qendër ku kryhet specializimi i Onkologjisë si dhe turnuset për specializim nga lëmitë e sëmundjeve kirugjikale dhe degët tjera. Klinika posedon intrastrukture të kompletuar për trajtimin e pacientëve intrahospitalorë.

 Duke u mbeshtetur në rekomandimet e shoqatave ndërkombëtare si National Comprehensive  Cancer Netëork (NCCN), European Society of Medical Oncology (ESMO),si dhe shoqatat tjera të ngjajshme, Klinika e Onkologjisë, aplikon kriteret diagnostike dhe terapeutike bazuar në udhërrefyesit përkatës bashkohor për sëmundje onkologjike. Aktualisht janë duke u përpiluar edhe Udhërefyes Klinik Kombëtarë të neoplazisë malinje të gjirit, të pulmonit dhe Melanoma Malinje nën udhëheqjen e specialistëve të Klinikës tonë, mbështetur nga Ministria e Shëndetësisë së Kosovës.

Klinika e Onkologjisë është qendra e vetme referente e nivelit terciar në Kosovë në të cilën trajtohen rastet onkologjike.

·        Menaxhmenti i klinikës

 Ass Dr Ilir Kurtsihi
Drejtor i Klinikës së Onkologjisë
Specialist i Onkologjisë


Drita Berisha, Mr.sci.
Ud.Kryeinfermiere e Klinikës

Numri fiks i klinikes:

Nr Tel: 0385006002361

VEPRIMTARIA

Parimet që udhëheqin praktikën mjekësore në Klinikën e Onkologjisë  kanë në qendër pacientin, dhe përfshijnë tre aspekte të gjera:

a) Kujdesin ndaj pacientit me patologji malinje

1. Ofrimi i kujdesit të përshtatshëm, nga ana mjekësore dhe emocionale, dhe të individualizuar për çdo pacient.
2. Ofrimi i kujdesit gjithëpërfshirës dhe të koordinuar në mjediset e Klinikës së Onkologjisë.
3. Njohja dhe mbështetja e rolit thelbësor që ka kërkimi shkencor në zhvillimet në fushën e kujdesit ndaj kësaj sëmundjeje.

b) Kultura

1. Mundësimi i partneritetit kolegjial midis mjekëve.
2. Respektimi individual dhe i vlerës së njohurive të grupit të profesionistëve që merren me kujdesin ndaj patologjive malinje.
3. Të qënit të hapur dhe  të drejtë për perspektiva të reja.

c) Menaxhimi profesional

1. Promovimi i qasjes së përshtatshme ndaj kujdesit që ofrohet në Kliniken e Onkologjisë.
2. Lidership dhe udhëheqje në ofrimin e kujdesit efektiv dhe përmirësimi i të gjitha aspekteve të kujdesit ndaj sëmundjeve neoplazike.
3. Shqyrtimi i mundësive për zgjerimin e shërbimeve që ofrohen për pacientin me patologji malinje.
4. Të qënit konkurrues në të gjitha aspektet e kujdesit ndaj këtyre patologjive.

Pacienti eshte në qendër të çdo shërbimi që ofrohet në Kliniken e Onkologjisë. Stafi i Klinikes është i përkushtuar për të ofruar kujdesin mjekësor më të mirë të mundshëm dhe përpiqet për përmirësimin e vazhdueshëm të këtij kujdesi për çdo pacient, pavarësisht moshës, gjinisë, besimit fetar, paaftësisë, etnisë dhe orientimit seksual, duke bërë ç ‘është e mundur që kjo strukture të jetë e qasshme dhe e përshtatur për nevojat e çdo pacienti të veçantë.

Klinika e Onkologjisë ka në përbërje të saj 4 Shërbime mjekësore kryesore :

1. Shërbimi i Kimioterapisë
2. Shërbimi i Radioterapisë
3. Shërbimi i Brakiterapisë
4. Reparti 24 orësh
5. Shërbimi i Fizikes Mjekësore

1.      Shërbimi i Kimioterapisë:

Shërbimi  Kimioterapisë është një nga njësitë me një rëndësi të veçantë në Kliniken e Onkologjisë.

Kjo njësi mbulon dhe përballon një punë voluminoze si cilësisht dhe numerikisht një numër mjaft të lartë pacientësh me të gjitha llojet e patologjive që trajtohen në këtë shërbim.

Shërbimi i Kimioterapisë, së bashku me shërbimet e tjera është pjesë  e stafit multidisiplinar që në kohët e sotme është  pjesë e domosdoshme e çdo spitali që merret me trajtimin antitumoral. Nga viti në vit është shtuar numri i patologjive që trajtohen në këtë shërbim. Janë shtuar gjithashtu protokollet bashkohore të trajtimit gjë që ka sjell dhe rritjen e përgjigjes ndaj mjekimit dhe mbijetesa e lire e sëmundjes. Njësia e Kimioterapisë i kushton një rëndësi mjaft të madhe dhe ngritjes profesionale të mjekëve ku ndër të cilat është pjesëmarrja e tyre në konferenca të ndryshme për tu njohur me risitë e fushës së Onkologjisë. Në kliniken e  Onkologjisë ky shërbim përballon numrin më të madh të ngarkesës përsa i përket  fazave të ndryshme të lidhura me menaxhimin e të sëmurit onkologjik siç janë diagnoza, trajtimi, monitorimi dhe kontrolli i efekteve anësore, ndjekja e të sëmurit pas përfundimit të  trajtimeve, dhënia e  trajtimeve paliative etj.

Futja e trajtimeve të reja sidomos në dekadën e fundit e ka bërë trajtimin me kimioterapi me kompleks dhe ka zgjeruar spektrin e trajtimit edhe për ato tumore që para pak vitesh konsideroheshin të pa trajtueshëm për shkak të mungesës së agjenteve me efikasitet ndaj tyre. Për fat të mirë një pjesë këtyre trajtimeve sot nuk mungojnë edhe në shërbimin tonë dhe numri i tyre vjen gjithmonë në rritje. Për sa i përket tumorit më të shpeshtë femëror, atij të gjirit, Njësia e Kimioterapisë krahas trajtimit kirurgjikal dhe radioterapisë që ofrohen me cilësinë më të mirë në vendin tonë, ka në dispozicion pothuaj gamën e plotë të të gjithë barnave si edhe terapive të tjera hormonale, dhe biologjike që rekomandohen  nga shkenca mjekësore sot. E njëjta gjë mund të thuhet edhe për trajtimin e tumoreve te tjera.

Stafi Ynë

ü  Mjeket Specialiste

Dr Ilir Kurtishi – Drejtor i Klinikes, Mjek Onkolog

Dr. Vildana Goga Çmega –  Shefe e Shërbimit te Kimioterapisë, Mjek Onkolog

Dr Dafina Ademi Islami – UD Shefe e përgatitjes se citostatikëve, Mjek Onkolog

Dr Ardian Millaku – UD shef i aplikimit te terapisë intravezikale, Mjek Onkolog

Dr Faton Sermaxhaj – Mjek Onkolog

Dr Arben Bislimi – Mjek Onkolog

Dr Adelina Ademi Musliu – Mjeke Onkologe

Dr Ekrem Hyseni – Mjek Onkolog

Dr Luan Krasniqi – Mjek Onkolog

Dr Destan Azemi – Mjek Onkolog

Dr Fatmire Ademi Ramaxhiku – Mjeke Onkologe

Dr Blerim Gjocaj – Mjek Onkolog

Dr Ibrahim Sejdiu – Mjek Internist

ü  Specializantet:

Dr Egzona Bytyqi

Dr Gzim Buzhala

Dr Atdhe Agaj

ü  Stafi Infermieror –  39 infermier qe bëjnë aplikimin e kimioterapive dhe manipulime te tjera te domosdoshme për mbarëvajtjen e punës.

ü  Numri i poltronat ambulator për aplikimin e kimioterapisë është 105.

2.     Reparti për hospitalizim 24 orësh.

Ky shërbim është i përberë nga 11 shtretër për te plotësuar nevojat e klinikes për pacientet qe kane nevoje për hospitalizim. Kriteret e shtrimit ne repart janë: Menaxhimi i efekteve anësore te kimioterapisë, marrja e kimioterapisë disa ditore, pacientet qe nuk mund te udhëtojnë gjate trajtimit me radioterapi dhe raste paliative qe nuk menaxhohen ne shtëpi apo klinika te tjera. Këtu janë te përfshire gjithë mjeket qe kryejnë kujdestari sipas renditjes se përcaktuar.

3.     Shërbimi i Radioterapisё Onkologjike

Shërbimi i  Radioterapisë është qënder unike e shërbimit spitalor publik në vend i pajisur me teknologji dhe ekspertizë mjaft të avancuar.

Kjo strukturę është e atashuar pranë Klinikes Onkologjike dhe ofron trajtim modern me Radioterapi në luftën kundër kancerit.

Aktualisht Shërbimi i Radioterapisë mbulon trajtimin në rreth 95% të pacienteve me tumore që kanë nevojë për këtë trajtim dhe është qendër ekselence e kujdesit shëndetësor në vend.

Trajtimi me radioterapi kryhet ne dy forma: trajtimin ambulator dhe i hospitalizuar.

• Teleterapia ose Rrezatimi i jashtëm,

Përfaqëson mënyrën më të shpeshtë të trajtimit me radioterapi pasi përdoret për trajtimin e tumoreve të thella ku bëjnë pjesë shumica e patologjive malinje.

Trajtimi realizohet nëpërmjet goditjes së masës tumorale me anë të rrezatimit jonizues të prodhur nga pajsja “Akselerator Linear”. Tufa e rrezatimit përshtatet me formën dhe përmasat e masës tumorale duke goditur qelizat kanceroze ndërkohë që ruhen maksimalisht indet e shëndosha përreth tyre.

Trajtimi për çdo pacient projektohet nga mjeku Onco-radioterapeut,i cili përshtat parametrat e rrezatimit duke përfshirë numrin, dimensionet, formën, energjinë dhe intensitetin, duke mundësuar trajtime komplekse të personalizuara që fokusojnë rrezatimin në objektivin e synuar duke e kufizuar dozen në indet fqinje dhe duke zvogëluar efektet e mundëshme anësore.

Terapia me rrezatim sigurohet prej dy pajisjeve “Akseleratorë Linearë”, si tek pacientët e rritur ashtu edhe ata pediatrikë, duke ndjekur protokollet bashkëkohore të trajtimit.

4.     Shërbimi i Brakiterapisë

Burimi rrezatues është i vendosur në kontakt me lezionin tumoral target (Iridium 192). Ky lloj rrezatimi përdoret kryesisht për tumoret gjinekologjike si trajtim komplementar me rrezatimin e jashtëm. Gjithashtu përdoret dhe në raste të patologjive të tjera pavarësisht specifikave të vendodhjes së tumorit dhe faktorëve të tjerë që përjashtojnë tipologji alternative trajtimi.

ü  Stafi ynë

Dr Behar Raci –UD Shef i Radioterapisë, Mjek Onko- Radioterapeut

Dr Arta Kameri Jusufi – UD Shefe e Brakiterapisë, Mjeke Onko – Radioterapeute

Dr Brunilda Profka Haxhiu – UD Shefe e Pranimit të pacienteve ne Radioterapi, Mjeke Onko – Radioterapeute

Dr Doriana Berberi Paloji – Mjeke Onko Radioterapeute

Dr Gazmore Bardhi Morina – Mjeke Onko – Radioterapeute

Dr Sonja Blakaj – Mjek Onko – Radioterapeut

ü  Specializantet:

Dr Labinot Kastrati

Dr Gentiana Ferati

Dr Hekuran Sejdiu

ü  Stafi i teknikeve te radioterapisë: Jane gjithsej 13 teknike dhe një infermiere qe mbulojnë punën prej 12 orësh ne radioterapi

5.      Shërbimi i Fizikes Mjekësore

Fizika mjekësore në radioterapi luan një rol thelbësor në sigurimin e trajtimeve të sakta, të sigurta dhe efektive për pacientët me kancer. Ky shërbim është përgjegjës për planifikimin, implementimin dhe monitorimin e terapive të bazuara në rrezatim, duke bashkëpunuar ngushtë me onkologët, tekniket dhe ekipin multidisiplinar.

ü  Funksionet Kryesore të Shërbimit të Fizikës Mjekësore në Radioterapi.

1.      Planifikimi i trajtimit të pacientit:

o   Kryerja e llogaritjeve dhe optimizimi i dozave të rrezatimit për të maksimizuar efektin në tumore dhe minimizuar ekspozimin në indet e shëndetshme.

o   Përdorimi i teknologjive si IMRT (Intensity-Modulated Radiotherapy), VMAT (Volumetric Modulated Arc Therapy), dhe SBRT (Stereotactic Body Radiotherapy).

2.      Kalibrimi dhe mirëmbajtja e pajisjeve:

o   Kalibrimi i përditshëm dhe periodik i akseleratorëve linearë, simulatorëve dhe pajisjeve të tjera për të siguruar funksionimin e saktë.

o   Testimi dhe verifikimi i performancës së pajisjeve sipas standardeve ndërkombëtare (IEC, AAPM, etj.).

3.      Sigurimi i cilësisë (Quality Assurance - QA):

o   Implementimi i protokolleve të sigurimit të cilësisë për pajisjet dhe procedurat radioterapeutike.

o   Kontrolli i përditshëm dhe periodik i sistemit të shpërndarjes së dozave dhe imazherisë.

4.      Simulimi dhe lokalizimi i tumoreve:

o   Përdorimi i modaliteteve të imazherisë (CT, MRI, PET-CT) për të identifikuar saktë pozicionin e tumorit.

5.      Mbështetja teknike për trajtime të avancuara:

o   Implementimi i teknologjive të reja si brakiterapia, dhe radiokirurgjia stereotaktike.

o   Menaxhimi i sistemeve të integruara si IGRT (Image-Guided Radiotherapy) dhe adaptive radiotherapy.

ü  Stafi ynë

Burim Uka – Shef i Fizikes Mjekësore

Sehad Kadiri – Ekspert i Fizikes Mjekësore

Fesal Selimi – Ekspert i Fizikes Mjekësore

Ajtene Dallku – Fizikante mjekësore

Besnik Saramati - Fizikant Mjekësor

Afrim Imeri -  Fizikant Mjekesor

Egzona  Llomnica - Fizikante Mjekesore