Gjashtë drejtorë të klinikave të Qendrës Klinike dhe Universitare të Kosovës( QKUK), kanë raportuar sot, para anëtarëve të Bordit Drejtues të ShSKUK-së.
Mbledhjen e Bordit Drejtues të ShSKUK-së, e hapi z. Enver Gashi, zëvëndësues i Kryesuesit të Bordit Drejtues, i cili pasi falenderoi drejtorët e klinikave që kanë ardhur për të raportuar në mbledhje të Bordit Drejtues, tha se qëllimi i ftesës dhe raportimit është që anëtarët e Bordit Drejtues të njihen me punën që bëhet në këto klinika, kërkesat që kanë këto klinika, por edhe planet për zhvillim të shërbimeve. Gjatë raportimit drejtorët e klinikave paraqiten raportet vjetore të punës, e poashtu, planet që kanë, por edhe kërkesat për mbështetje, me qëllim të avancimit të shërbimeve aktuale dhe shërbimet e reja që parashihen në këto klinika. Të pranishëm në mbledhje ishin edhe drejtori i ShSKUK-së, Elvir Azizi dhe zëvendësuesi i drejtorit të QKUK-së, Osman Hajdari. Në raportin ishin drejtorët e Klinikës Emergjente, Klinikës së Kirurgjisë Abdominale, Klinikës së Kirurgjisë Maksilofaciale, Klinikës së Ortopedisë, Klinikës së Oftalmologjisë dhe Klinikës së Otorinolaringologjisë.
