.jpg)
Komiteti për menaxhim të situatës me Covid-19, i Shërbimit Spitalor dhe Klinik Universitar të Kosovës (ShSKUK), ka mbajtur takimin e rregullt, në të cilin është shqyrtuar situata e fundit me Covid-19 në klinikat e QKUK-së, spitalet e përgjithshme dhe institucionet tjera shëndetësore, nën menaxhim të ShSKUK-së.
Ushtruesi i detyrës së drejtorit të përgjithshëm të ShSKUK-së, Valbon Krasniqi, ka njoftuar anëtarët e komitetit në lidhje me hapat që janë ndërmarrë nga ShSKUK për menaxhim të situatës. Anëtarët e komitetit kanë raportuar në lidhje me trajtimin e pacientëve me Covid, numrin e pacientëve të shtrirë dhe pacientëve të trajtuar. Bazuar në raportimet e të gjitha njësive në nivel të ShSKUK-së, në klinikat e QKUK-së dhe spitalet e përgjithshme trajtim shëndetësor po marrin 628 pacientë të dyshuar dhe konfirmuar me Covid-19, 440 prej tyre të konfirmuar me Covid, 419 me oksigjeno-terapi.
